沙特豪门艾纳斯炒咗鲁迪加西亚後，暂时未搵到新主帅，西媒报道，该队准备开出一份2年1.2亿欧元(约10.3亿港元)嘅超级合约，邀请休息接近2年嘅施丹出山执教。
报道指，沙特足球有个庞大计划，希望招揽50名顶级球员，以及世界级主帅前来，今年初签入C朗系计划重要一环，下个目标系邀请施丹到沙特执教，同C朗合作。
现年50岁嘅施丹，在2016至2018年执教皇马期间，同C朗一齐实现欧联3连霸，施丹已经接近2年冇教波，佢一直希望接手法国队，但系法国队在世盃获得亚军後，同迪甘斯续约至2026年，施丹短期内执教法国队嘅愿望无法实现，唯有做住其他嘢先。
艾纳斯开出2年1.2亿欧元嘅天价条件，如果施丹答应出山，将成为世界最高薪主帅，超越3400万欧元嘅施蒙尼、2240万欧元嘅哥迪奥拿、1780万欧元嘅高普同1100万欧元嘅安察洛堤等。
除咗施丹，摩连奴都系艾纳斯目标，条件同样系2年1.2亿欧元，皆获得C朗同意。
