利物浦今季成绩下滑，阿历山大阿诺特被指系防线漏洞，网民笑佢喺「66号公路」，红军同佢合约至2025年，如果今年续约唔成就可能卖走佢，西媒报道，巴塞正物色右闸，认为阿诺特踢法适合球队，将全力斟介。
24岁嘅阿诺特系利物浦青训出身，喺一队上阵7季265场，交出15球68次助攻，有稳定上阵机会，系一名出击型边衞，不过针无两头利，虽然佢助攻出色，但防守就唔够稳阵，被批评系球队防线漏洞。
《Team Talk》报道，巴塞睇中阿诺特，就系贪佢助攻出色，防线力唔掂反而唔系问题，事关沙维打算尽用阿诺特嘅进攻能力，甚至上咗唔使返後都得，令阿诺特喺巴塞可以尽情发挥，据估计，阿诺特身价高达8000万欧元，巴塞出手嘅话，未知利物浦会否收顺啲。
