曼城挪威「魔人」艾宁夏兰特首季征战英超，距离球季结束尚有个多月，各项赛事已累积45球，打破云尼斯达莱及穆罕默德沙拿嘅英超球员最高入球纪录，英国《天空体育》推算，夏兰特今季最终可以入66球。
现时夏兰特喺英超上阵27场入30球，平均90分钟入1.23球，以此推算，只要保持现有入球效率同上阵时间，夏兰特喺英超入到39球，如果踢足全场，哥迪奥拿唔换佢出场，可以达到41球，要打破高尔同舒利亚嘅34球入球纪录可谓轻而易举。
除咗联赛，曼城喺英足盃及欧联仍在争标路上，如果两项盃赛都打入决赛，按推算夏兰特嘅入球数字将会达到60球，如果每场都畀佢踢足全场，最多可以入到66球。
