深受财政问题困扰嘅巴塞隆拿，近日被指已冇足够薪酬空间喺夏天买人，不过佢哋仍然唔放弃，继续「一边嗌穷、一边签人」，消息指巴塞有意收购巴西前锋域陀洛基，但为附合财政要求，打算以先借用、後买断方式完成，至少用1年後先至开始畀钱。
西班牙《每日体育报》报道，效力帕拉尼恩斯嘅域陀洛基系球坛抢手货，佢今年1月带领巴西赢U20南美国家盃冠军，18岁嘅域陀洛基就系神射手，帕拉尼恩斯已将呢位「新苏亚雷斯」标价3,500万欧元，域陀洛基早前亦表示，效力巴塞隆拿系佢嘅梦想。
不过巴塞依家财政紧拙，为咗唔使畀钱又可以签人，据报佢哋打算先借用1年，再喺第2年开始分期支付转会费，咁样做有助做靓夏天盘数，令巴塞可以喺有限资金空间下签到最多球员。
