曼城球星基尔获加日前被揭发，喺酒吧内2度向合共4名女子「露械」，英国警方证实已就事件展开调查，不过曼城方面就表明事件属於「私人事件」，基尔获加未有违反球会纪律，所以暂时唔会对佢作出处分。
32岁嘅基尔获加周日(5日)喺酒吧醉酒後「露械」，片段喺网上被疯传，英国柴郡警方发言人证实：「我哋留言到网上流传嘅一段露体影片，调查正处於初步阶段，未有任何人被捕。」消息指警方已去涉案酒吧索取闭路电视片段作为调查证据。
曼城喺周三(8日)嘅操练，基尔获加如常出席练波，英国《太阳报》指曼城认为呢次风波属「私人事件」，佢并冇违反曼城嘅纪律，所以唔会对作禁赛或者禁操。曼城下场赛事系周日(12日)凌晨作客水晶宫，基尔获加可以候命上阵。
