英国名嘴皮尔斯摩根上年同C朗做专访，畀机会呢位葡萄牙国脚爆大镬，最终导致同曼联反面离队。C朗脱「魔」之後，球队成绩愈来愈好，仲打入英联盃决赛，再望夺得近6年首个冠军，近期唔少曼联球迷去到皮尔斯摩根嘅社交网网留言，多谢佢帮球队送走「瘟神」。
皮尔斯摩根亦不甘示弱，回覆话：「唔需要多谢，如果坦哈格可以带领曼联夺得英超或者欧联冠军，再来搵我啦，但你冇咁嘅机会。」皮尔斯摩根言下之意，指英联盃只系盃仔，即使曼联赢到，意义亦唔大，同时睇死曼联冇能力夺取英超或者欧联冠军。
网民认为皮尔斯摩根经过访问C朗一役之後，已经成为「灯神」，相信坦哈格畀佢咁灯一灯，可能将来真系可以协助曼联赢晒呢两大锦标。
