今个星期日系英联盃决赛，由曼联火并纽卡素，门票可谓一票难求，好难想像竟然发生决赛波飞畀狗咬烂嘅事情，纽卡素球迷卡林就系受害者，两张英联盃决赛波飞畀自己嘅宠物狗咬到烂晒，心情难受到极点，气愤之下决定平价卖狗。
卡林门票系透过速递方式送到家中，但佢只狗鲁迪对邮件产生怀疑，认为邮件入侵佢嘅领土，於是发动攻击将邮件咬烂，卡林发现时已经太迟，只能呆望碎片，将其组合後勉强睇到系两张波飞嘅遗骸。
对於今次事件，卡林表示：「我刚睇完纽卡素主场输畀利物浦，系纽卡素今季主场首次输波，仲有门将尼克普比食红牌，鲁克可能觉得，咬烂波飞可以氹我开心，依家我决定卖狗，5镑卖咗佢。」
其实今次事件，卡林仲有足够时间可以补飞，只要解释清楚，就可以获官方补发波飞，而且现时已使用电子门票，呢位球迷仍然可以入场睇波。
