曼联卖盘一事进行得如火如荼，另一打算放盘嘅英超班霸利物浦，周二(21日)突然转軚搁置计划，班主约翰亨利公开证实，佢无意让出利物浦嘅控制权，只系想寻求新投资者加入，消息令一众「反约翰亨利」球迷失望。据报利物浦为重建开始崩塌嘅王朝，准备撬走德国籍总监马古斯高斯治做球会新「揸弗人」。
利物浦主席汤姆华拿上年11月宣布，正寻求买家接手利物浦，引嚟印度、卡塔尔、沙特阿拉伯同美国等富商准备收购，不过班主约翰华拿同老婆周二出席波士顿红袜练习嗰，接受记者电邮提问，《Boston Sports Journal》就爆出关於利物浦卖盘嘅惊人消息。
被问到波士顿红袜会唔会好似利物浦咁被卖盘，约翰亨利回应：「我知道有好多关於利物浦嘅讨论，我要将事实重申，球会只系进行紧一啲程序。我哋会唔会永远留喺英格兰？唔会。我哋系咪卖利物浦？唔系。我哋想为利物浦搵新投资者？系。会唔会发生？我相信会，但唔会系正式收购。我哋过去20年有冇试过卖走任何嘢？」
约翰亨利旗下嘅芬威体育集团，2010年正式入主利物浦，虽然球队获得极佳成绩，包括赢得欧联冠军同首夺英超冠军，不过芬威体育集团喺转会市场投资偏低，令利物浦球迷非常不满，今季喺阵容老化同伤兵影响下，依家只排联赛第8位，下季仲有冇得踢欧联仲系未知数。
随住约翰亨利转軚唔肯卖盘，「红军」亦准备重建王朝，据《利物浦回声报》报道，球会正准备聘请新总监上场，目标系法兰克福总监马古斯高斯治，预计夏天会为利物浦展开重建计划，目标球星包括祖迪比宁咸、美臣蒙特等英格兰国脚。
