巴塞隆拿喺欧霸盃同曼联踢成2比2平手，巴西翼锋拉芬夏比洛尼为球队射入追平入球，但佢入波後几分钟即被教练沙维换走，呢位球星返到後备席後大发脾气，连队友都畀佢吓亲。拉芬夏事後佢公开道歉，但沙维竟然话唔需要。
拉芬夏比洛尼喺76分钟入波，但83分钟就被费伦托利斯入替，佢返到後备席就发癫，「连环拳」狂打前面马高斯阿朗素坐坚嘅椅背，身边嘅佐迪艾巴第一时间制止并安抚佢嘅情绪。拉芬夏赛後亦知衰道歉：「我想公开道歉，同教练、费伦托利斯讲对唔住，我哋都太想落场比赛，有时会失去理性，我要为自己犯下嘅错道歉。」
不过沙维就表示拉芬夏根本唔需要道歉：「我完全明白拉芬夏嘅愤怒，我踢波嘅时候都有类似时刻，我做嘅决定只系为球队，并唔系针对任何一个人。拉芬夏之後走嚟向我道歉，但其实佢唔需要咁做，我认为呢个系一个正面行为(渴望比赛)，讲真，球员就算就嚟侮辱我都OK！」
