网站《FootyHeadlines》早前进行2022年最佳波衫选举，由球迷投票选出上年最「出色」嘅波衫，结果冠军落入墨超球队普马斯嘅第2作客球衣，而西班牙最佳就落喺西乙侯尔斯卡作客波衫身上。
侯尔斯卡件作客波衫喺总排名列第7位，白色衫加个大红色十字之外，仲用拉丁文印上「侯尔斯卡的胜利」，波衫上年推出即刻大受欢迎，今次排行榜亦压倒排第13位嘅巴塞隆拿主场球衣，成为西班牙球坛No.1。
今次投票以巴甲最威，10大当中有3支代表，包括哥连泰斯(第2)、华斯高(第9)同高士路(第10)，欧洲5大联赛当中，只有英超阿仙奴件作客「黑金」波衫排第6位。
