祖奥简斯路不满自世界盃後，失去曼城正选，同主帅哥迪奥拿闹翻，结果早前被外借去拜仁慕尼黑，另1位「蓝月亮」後衞基尔获加都有类似情况，同样因为被哥帅冷落，而有怨言，可能今夏离队。
基尔获加自2017年由热刺加盟曼城後，一直属於球队主力，呢位32岁老将曾於上年10月初受伤，缺阵超过1个月，令到18岁小将列高路易斯可以趁机上位。
基尔获加伤愈後不获重用，对上1次踢正选系上月中对曼联，但「蓝月亮」输波。基尔获加近3仗屈居後备，由列高路易斯担正，结果曼城取得3连胜，令哥迪奥拿更加信任列高路易斯，加上基尔获加年纪唔细，恐怕留队都冇运行。
虽然呢位英格兰国脚并冇要求喺冬季转会市场离队，但如果佢嘅处境冇改善，仍然有好大机会今夏走人。
