曼联名宿加利尼维利早前批评红魔鬼翼锋安东尼马菲奥斯踢法单调，只得一招扣入中路，用左脚射门，太易被对手防范。呢位22岁巴西国脚喺周日(29日)凌晨英足盃立即发威显身价，创造大量具威胁攻势，并力压梅开二度嘅队友卡斯米路，当选今场最佳球员。
曼联打开纪录嘅1球，安东尼马菲奥斯有好大功劳，佢以美妙直传，助攻卡斯米路射入。由於安东尼今季英超仍未有助攻，早前被寸连门将都不如，因为利物浦门将艾利臣比加、曼城门将艾达臣摩拉斯今季英超都各有1次助攻，安东尼今场英足盃就以一下妙传反击批评声音。
除此之外，安东尼今场仲有4次具威胁传波，表现活跃，并非加利佬口中嘅「只得一招」。
