葡萄牙球王C朗同曼联不欢而散，转投沙特阿拉伯球会艾纳斯之後，佢同部份前红魔鬼队友仍然保持良好关系，一直有联络。英国《太阳报》爆料指C朗邀请般奴费南迪斯、哈利马古尼、华拉尼、卡斯米路去沙特阿拉伯睇波，作为正式道别。
根据曼联内部人士透露，C朗已经退出红魔鬼球员手机通讯群组，但并冇影响佢同一班老友嘅关系，其中般奴费南迪斯系葡萄牙国家队队友，另外C朗同华拉尼、卡斯米路曾於皇马并肩作战多年，感情深厚，至於哈利马古尼今季沦为曼联後备，可能C朗觉得大家同病相怜，特别关照佢。
据悉C朗打算邀请上述4人先去佢位於葡萄牙里斯本嘅新居参观同聚旧，跟住夹啱日子，安排去沙特阿拉伯睇佢比赛。不过，曼联赛程频密，恐怕呢4位C朗老友短期内难以起行。
