狼队周日(22日)官宣，签入韦斯咸32岁中坚奇治戴臣，签约至2025年6月，报道指今次交易转会费为330万镑。
奇治戴臣出道早期效力西布朗长达8季，拥有丰富英超经验，其後踢过屈福特，近年效力韦斯咸，今季上阵13场入1球，不过韦斯咸今季成绩下滑，跌入护级区，呢个时候韦斯咸放佢离队。
狼队官方表示，希望奇治戴臣嘅英超经验，能够帮助球队加强防守能力；不过有网友指出，狼队最大问题系攻力不足，19战入12球属英超最差，反而佢哋防守相对硬净，增兵搵个中坚其实作用不大。
至於奇治戴臣，佢喺韦斯咸要护级，依家过档排名更低嘅狼队，一样要护级，今季注定离唔开护级嘅命运。
