曼联喺「曼市打吡」主场2比1反胜曼城，各项赛事9连胜气势如虹，佢哋依家只落後曼城1分，少榜首阿仙奴6分，入波功臣拉舒福特赛後豪言「要望住联赛前面」，不过领队坦哈格赛後就禁止提後上夺冠，认为曼联仍然有不足地方。
近期状态大勇嘅拉舒福特，自世盃後已经连续7场有波入，带领曼联杀入争标行列，佢赛後被问到有冇谂住後上夺冠，拉舒福特话：「我哋应该咁谂(夺冠)，我哋要向上面望，抱住一个积极嘅态度，嚟紧仲有一场对水晶宫唔易踢，我哋要争取赢波。」
不过曼联领队坦哈格就唔系咁谂，佢赛後表示：「球迷可以有呢个梦想(捧盃)，但系我哋唔会，我哋要脚踏实地，面对球队仲有好多地方要改善嘅现实，就好似今仗下半场突然失去控制权，根本唔应该发生。」
