巴塞隆拿前会长巴度美奥年代，曾闹出网络水军丑闻，会方外聘网络大军抹黑自己多位主力，达到降薪目的，加泰警方调查文件近日曝光，当年有巴塞主管闹美斯系坑渠老鼠同贺尔蒙侏儒，非常粗鄙。
有分参与事件嘅巴塞高层，包括法务主管庞蒂、CEO劳格，当然仲有「大雄」巴度美奥，佢哋故意泄漏美斯、碧基等主力合约内容，令外间舆论针对球员，从而达到降薪目的，手法相当卑劣。
警方一分文件显示，大约3年前庞蒂与巴度美奥一次电邮对话中表示：「你唔可以对呢只坑渠老鼠咁好，球会咩都畀晒佢，但佢好自私，操纵球会自肥，球会畀呢个贺尔蒙侏儒勒索。」
文件被西班牙传媒曝光，美斯喊住离队一幕历历在目，一班巴塞前高层再度成为球迷炮轰对象，美斯依家仲未同巴黎圣日耳门续约，但爆出呢件事，佢重返巴塞机会相当渺茫。
