法国「豪门」尼斯日前喺法足盃出局，作客0比1输畀法丙球队拿佩尔，球会周一(9日)即宣布怒炒瑞士教练法夫尔，暂时安排迪加特出任看守教练一职。
尼斯班主系英国亿万富豪拉特克利夫，近年积极招兵引入多位前英超球星，今季分别罗致艾朗蓝斯、卡斯柏舒米高、巴克里、尼高拉斯比比等星级战将，加上原有嘅舒尼达连等球员，被球迷称为「英超弃将队」。
虽然尼斯积极扩军，但成绩就未如理想， 目前只排喺联赛第11位，日前法足盃输埋畀拿佩尔，尼斯就发声明表示：「法夫尔唔再系尼斯领队，虽然决定分开，但球队上下对佢会抱最大尊敬。」法夫尔上年6月第2度执教尼斯，估唔到只系半年就被炒鱿。
