当红魔鬼球迷期待曼联喺冬季转会市场收购球星嘅时候，会方终於出手，但结果令人失望，因为只系借用水晶宫门将毕兰特，代替离队重返纽卡素嘅後备门将杜巴夫卡。
曼联原本向纽卡素借用杜巴夫卡1季，作为迪基亚嘅副选，但纽卡素早前决定提早收回佢，令红魔鬼急需要签入2号门将，最终决定向水晶宫借用毕兰特，顶埋下半季，只要呢位29岁英格兰门将完成体测，就可以成事。
毕兰特职业生涯大部份时间效力史笃城，2020年10月加盟水晶宫，但只担任後备，上季英超仅上阵9次，今季更加未曾上阵，恐怕佢成「魔」之後，对曼联帮助亦唔大。
