曾经效力阿仙奴同利物浦等豪门嘅宾纳，据报因为欠债超过100万镑，日前被伯明翰法院发出1年破产令，债主包括税局、银行、政府机构同多间私人公司。现年39岁嘅宾纳出道嗰阵被视为天才球员，做过英超最高身价学徒球员，依家搞成咁认为坎坷。
消息人士透露：「宾纳喺唔同地方争人好多钱，总负债去到7位数字，税局同银行嘅欠款非常巨大，佢已经将间屋拎去到抵押，个物业应该会被没收。」据报宾纳一直乱Fing钱，2011年试过唔记得自己买咗架保时捷跑车，将跑车连车匙泊喺西班牙火车站5个月唔理，亦试过开媒体公司，但好快就执笠。
宾纳15岁已经成名，阿仙奴当时用200万镑将佢由诺士郡收购，成为英超最高身价学徒球员，之後又效力过伯明翰、利物浦、萨拉戈萨等球会，2019年宣布挂靴，退休後参加过英国真人骚节目，估唔到依家搞到破产。
