德国喺世盃分组赛出局，全队表现受到外界批评，不过最近有西班牙女记者闹出大笑话，佢喺一个着名电视台节目点评世盃最差球员，竟然话已退役1年半嘅德国中场却奥斯系其中之一，立即成为网民笑柄，连却奥斯本人都亲自回应。
西班牙记者Cristina Cubero早前上电视节目《El Chiringuito》，被要求点评世盃最令人失望球员，佢先提出巴西前锋云尼斯奥斯祖利亚，之後竟然话却奥斯都系其中之一，但却奥斯喺上年7月欧国盃後已宣布退役，根本冇参加到卡塔尔世盃，相关片段即被网民疯传。
效力皇家马德里嘅却奥斯亦喺twitter回应：「我知道一定会有人怪我！」至於女主角Cristina Cubero随後亦解释，话自己其实系想讲汤马士梅拿，只系一时讲错名，同时回覆却奥斯：「德国队表现系令人失望，我对你非常尊敬。」
