由巴西名将薛高统筹，每年1度嘅明星慈善赛周四(29日)喺马拉简拿球场上演，呢场明星赛亦成为球员同球迷送别比利嘅赛事，一众球星着住印上「永恒的比利」T恤现身，薛高、大衞雷斯、薛罗拔图、迪亚高等球星，以及比利嘅外孙都有出席，近期以天价转会皇家马德里嘅16岁新星恩迪克亦有份，而且仲拎到入球。
薛高统筹嘅慈善赛每年年底举行，今届赛事就成为比利嘅纪念赛，开波前所有人着住特制白色T恤，上面有比利嘅剪影、10号同印上「永恒的比利」，马拉简拿球场嘅观众亦纷纷举行横额向比利致敬，呢场明星赛最後踢成2比2。
薛高表示：「我细个嗰阵喺比利身上学到好多，能够同史上最佳球员生於同一个国家已经系光荣，佢喺我哋所有人嘅模范。」
