啱啱过咗拆礼物日,大家又收到咩嘢圣诞礼物呢?呢排事业唔太顺利嘅C朗,就收到女友乔治娜送畀佢嘅一份超豪华大礼,就系一部开蓬劳斯莱斯,C朗冧到爆,呢个圣诞应该HAPPY啦。
C朗自从世界盃前同曼联解约後,一直都未有落脚地,虽然不断有消息沙特球队艾纳斯同佢签约,但都未有官方落实。而C朗趁住圣诞节就同女友及几个孩子欢度,乔治娜更氹得C朗相当开心,佢上载咗一条一家人收圣诞礼物嘅片段,乔治娜为C朗送上一部超豪华嘅开蓬劳斯莱斯,C朗见到开心到爆,即登上「司机位」,一家出车,并在个人社交平台出Post对乔治娜送上爱的宣言:「谢谢你,我嘅爱人!」
据消息指呢部劳斯莱斯价值超过25万镑,而其他孩子都有礼物,多数都系同车有关,小C朗就收到游戏赛车椅。