英格兰中场祖迪比宁咸喺世盃一战成名，势必成为各豪门争夺对象，抢手程度比艾宁夏兰特有过之而无不及，西班牙传媒抢先披露，皇马打算出手，开价1亿欧元5年合约，但年薪竟然贵过新紮射手云尼斯奥斯祖利亚，会否大细超？
比宁咸年仅19岁，喺今届世盃上阵5场交出1入球1助攻，前途无可限量，由於佢有英格兰国脚身分加持，身价特别贵，英超各豪门都准备动用过亿镑资金抢人，但对佢有兴趣嘅岂止英超球会，欧洲霸主皇马都打算出手。
多蒙特於3年前签入比宁咸，用咗3季时间栽培，依家时机成熟，多蒙特坐喺度等收钱，由各大豪门出价，西班牙传媒爆料，皇马出价相信会系市场指标，佢哋开价1亿欧元，5年合约年薪1200万欧元，违约金直接标价10亿欧元。
原来皇马巴西前锋云尼斯奥斯祖利亚嘅年薪，亦只得1000万欧元，皇马出价斟比宁咸，人工已直接超越小云，佢嘅巴西队友洛迪高高斯人工又再差一截，就算畀佢哋签到比宁咸，对球队系咪好事？
