利物浦季前以破纪录转会费签入达云纽尼斯,可惜呢位乌拉圭射手明显未适应新环境,表现受到球迷批评,近日有网民将达云纽尼斯同曼联传奇前锋高尔比较,点知就「辣着」高尔本人,呢位前英超金靴表示:「请尊重下我!」
高尔喺twitter反击拎佢同达云纽尼斯比较嘅网民:「高尔...纽尼斯...呢啲胡说八道嘅话题要开始?」高尔之後大晒自己嘅成就:「5次英超冠军、2次英足盃冠军、1次英联盃冠军、1次欧联冠军、英超金靴奖、年度最佳青年球员、187个英超入球,只有1球系12码,呢啲系我努力换取嘅成果。」
当球迷解释拎佢同达云纽尼斯比较并冇「贬意」,高尔再次发难:「请尊重下我!我已经退休,静静咁过自己生活,但其他人觉得可以唔尊重我......睇一睇我嘅数据,再拎去同其他人比较啦!」