圣诞节普天同庆，唔少球员都趁机同球迷祝贺，不过利物浦前锋穆罕默德沙拿周日(25日)喺社交网一张庆祝相片，就引起极大回响。沙拿喺上交网上载同太太、2个女儿喺圣诞树下温馨合照，但有大批球迷直指佢作为穆斯林，唔应该庆祝圣诞节，甚至宣称要同呢位埃及前锋割席。
沙拿身为世界着名嘅穆斯林，高调庆祝天主教、基督教嘅节日令大批伊斯兰教徒不满，英国《每日邮报》报道，大量球迷喺沙拿嘅相片留低负评，有网民表示：「如果你唔删除相片，我会取消追踪你」、「因为你庆祝圣诞节，我唔会再支持你同利物浦」、「我由出世就支持利物浦，但因为你，我唔会再支持，再见！」
虽然面对球迷不满，但沙拿一於少理，并冇删除相片，有球迷就指沙拿庆祝圣诞可能系对利物浦嘅「诅咒」，因为沙拿喺2020年圣诞节亦曾有类似庆祝相片，结果利物浦之後连续5场联赛不胜。
