利物浦喺英联盃出局後，即刻要备战周二(27日)凌晨作客阿士东维拉，平安夜(24日)都要继续练波，大军练波前亦特别喺训练基地戴上圣诞帽，大合照同球迷祝贺。不过有网民发现，乌拉圭前锋达云纽尼斯并冇出现，令人担心佢加入伤兵名单。
利物浦呢张圣诞大合照喺24号朝早10点半左右上载，除咗艾法美路、路尔斯戴亚斯同迪亚高祖达等伤兵未有现身，其余球员几乎都齐晒，唯独达云纽尼斯唔见人，呢次圣诞祝福即刻变成「圣诞惊吓」，大批球迷留言问达云纽尼斯系咪受伤。
达云纽尼斯代表乌拉圭出战世盃表现低沉，上场英联盃对曼城又连番失机，状态未如理想，或者一段小休可以畀佢重建信心。
