2022年金足奖颁奖礼周四(22日)喺蒙地卡罗举行，波兰前锋罗拔利云度夫斯基力压群雄赢得冠军，对手当中就包括新任世界冠军球星美斯，呢个奖总算为「罗拔仔」弥补多少世盃嘅失意。
金足奖自2003年开始举办，每年挑选一位28岁以上嘅球役杰出球员嘉奖，上年就系由利物浦前锋穆罕默德沙拿夺得。过往拎过金足奖嘅人都系殿堂级人物，包括巴治奥、舒夫真高、朗拿度、朗拿甸奴、托迪、杰斯、伊巴谦莫域、恩尼斯达、保方等等，C朗拿度亦喺2020年获奖。
罗拔利云度夫斯基今届压倒唔少强敌，30人候选名单当中就有美斯、宾施马、华基尔云迪积克等巨星。
