阿根廷历史性第3度捧走世界盃，时隔36年再次圆梦，上一次夺标就连美斯都未出世，很多球迷不论是否一向撑阿根廷的，今次都希望美斯可以实现梦想，世界盃後全球四方八面都向美斯祝贺，但佢嘅死敌C朗就一直无表态，连累爱人、本身是阿根廷人嘅乔治娜都受到网暴被围插。
世盃决赛结束咗两日，C朗嘅社交平台一直无更新，无恭喜美斯都是预计之内，不过佢爱人乔治娜就应该几难堪，身为阿根廷人嘅乔治娜一向都活跃社交网，平时嘅动态多姿多采，但自己国家圆梦竟然一句都无提，相信都系因为C朗嘅关系，好多球迷近日不停在佢动态下面留言，指摘佢祖国圆梦都保持沉默，更有球迷直言「系咪C朗唔畀你在社交平台庆祝」。
坦白讲，相信乔治娜都好无奈，阿根廷夺世界盃当然开心，但因为爱郎C朗同美斯嘅关系，又怕爱郎小器，有球迷甚至猜测如果乔治娜在社交平台对阿根廷发贺稿，随时会被C朗飞走。值得一提，乔治娜嘅爸爸都系一名阿根廷足球员，因病去世，而妈妈是西班牙人，而且乔治娜仲要在布宜诺斯艾利斯出世。
反而C朗二家姐卡蒂娅就显得大方，她在社交平台发帖文:「卡塔尔世界盃系最差嘅世界盃，但好彩我哋睇到一场非常精彩嘅决赛。祝贺阿根廷！」卡蒂娅仲称赞在决赛大演帽子戏法嘅基利安麦巴比：「麦巴比太令人不可思议，光明嘅前途等着你，你真是令人难以置信。」
