美斯在卡塔尔终於圆梦捧起世界盃，赛後兴奋激动，与队友们相拥庆祝後走到观众席前不断招手，原来是示意家人走到球场内一齐庆祝，细囝更揽住金球奖奖盃亲吻呢位「球王爸爸」。
众所周知，美斯一直都系「住家男」，以家庭为重，爱妻洛古丝素与三个囝囝都穿上印有「Messi」嘅波衫撑场，美斯将金牌挂在大儿子身上，细仔就揽住金球奖，洛古丝素仲即场影张威水全家幅，相当温馨。其实，洛古丝素在个人社交平台晒合照，以阿根廷世界冠军为题，「为你骄傲＠美斯，谢谢你教我哋永不放弃，我地要战斗到底，现在你终於系世界冠军了，我哋都知道咁多年你遭受到乜嘢，同埋你想得到的。加油阿根廷！」跟住佢再上载一场张美斯亲吻世盃嘅图片，并写上「我的冠军」。
美斯9岁就对太太一见锺情，一直从一而终，依家拥有三个儿子，佢之前多次表明，妻儿比足球更重要。美斯曾经接受访问时透露，9岁时一次聚会认识青训队员嘅表妹洛古丝素，已经认定佢喺心中唯一，更直接同对方表白，写情信「有一日，我哋会订婚」，虽然当时洛古丝素只想做朋友，但美斯不断以书信、电话及电邮保持联络兼追求，终於2008年二人正式拍拖，2012年11月大仔Thiago出世，2015年生埋二仔Mateo，二人2017年正式结婚，翌年再生埋细仔Ciro。
至於美斯嘅父母都有现场撑场，并且喺球场同爱儿相拥，更加激动落泪。其实，当美斯等领奖嘅时候，一位女士突然冲过来捉住美斯手臂，当美斯转身一睇原来喺自己阿妈，作为母亲第一时间都系关心儿子身体，第一句就问美斯「儿子攰吗？」而爸爸其後攞住冠军金盃，相当满足。
