今届世界盃圆满结束，是否史上最成功一届仍未有定论，但一定系最多入波嘅一届，总入球达到172球，正好以1球之微，超越1998及2014年，刷新单世界盃最多入波纪录。
阿根廷同法国激战至加时打和3比3，令人睇得如痴如醉，亦系极少数出现大手交易嘅决赛。事实上，今届世界盃普遍赛事入波偏多，更不时出现特大比数赛果，包括英格兰大胜伊朗6比2、西班牙大炒哥斯达黎加7蛋、喀麦隆同塞尔维亚打和3比3等等。
法国虽然屈居亚军，但攻力冠绝各队，踢7场入咗16球，哥斯达黎加成为最多失波球队，达到11球，所以呢支中美洲球队对於「创造入波」都有贡献。
