阿根廷杀入世界盃决赛，全队示气高涨，已经退役嘅阿古路寻日突然喺训练场出场，仲帮手做陪练，而且据外媒报道指，佢仲再次同美斯做同房做室友，为「美球王」全力打气。
34岁嘅阿古路由於心脏问题，去年已经挂靴，但佢自8强开始已经一直喺卡塔尔为阿根廷打气，寻日落埋训练场帮手陪练之余，亦搬埋去同由细玩到大嘅美斯同房，佢哋呢对好朋友过去一起在国家队时，一直都是室友，自从阿古路退役，美斯就没有再找其他队友同房，只是独居一室，在决赛前他再阿古路，无疑是对这位球王在精神及心灵上一个很大嘅支持。
美斯同阿古路并肩作战多年，感情深厚，美斯更是阿古路儿子Benjamin嘅契爷，阿古路在世界盃决赛前嘅出现，不但对阿根廷，甚至是美斯都是最强嘅「心灵鸡汤」。
阿根廷球员众志成城，除左阿古路之外，主帅史卡朗尼更邀请几位因伤缺阵嘅队员一齐助阵，当中包括卢施素、祖亚昆哥利亚及尼高拉斯干沙利斯都会在周日出现为阿根廷打气。
