巴西喺世界盃8强出局时，球星尼马痛哭流泪一幕，观众仍然历历在目，但呢位30岁前锋好快忘记悲痛，早前连开2场派对玩天光，曼联翼锋安东尼马菲奥斯亦有份出席。
巴西12月9日被克罗地亚淘汰，尼马2日後返到巴西，随即搵妹妹及一众好友喺屋企开派对，分别喺上周日(11日)及周一(12日)连踩2场。
原本尼马低调行事，要求将活动保密，但仍然有1位参加派对嘅女士喺社交网「泄密」，仲话玩到凌晨5点先至离开，结果被巴西传媒大肆报道。
消息出街後，大量网民批评尼马虚伪，有人话：「举行派对并冇问题，但你一方面喺社交网话自己输波後，灵魂被摧毁，转头就开派对，咁算点先？请你尊重巴西人。」亦有网民话尼马同美斯系好朋友兼巴黎圣日耳门队友，但两人表现有天壤之别。
