C朗出名弹跳力惊人，佢嘅头槌最高纪录系2012至13年球季所创嘅2.93米，今届世盃终於有对手，就系淘汰葡萄牙入4强嘅摩洛哥球员所创，该场大战安尼斯利嘅头槌入波，垂直高度为2.78米。
电视台为安尼斯利当日头槌入波作仔细量度，高度为2.78米，而C朗最高头槌纪录系2.93米，当时佢效力皇马，安尼斯利呢个入波，比全盛时期嘅C朗仲差15cm，不过已经高过当时出迎嘅葡萄牙门将迪奥高哥斯达甚多，比中坚鲁宾戴亚斯更高出足足半个身。
安尼斯利现年25岁，身高1.88米，佢喺摩洛哥土生土长，2016年前赴西班牙联赛搵食，最初效力马拉加B队，之後成为马拉加一队成员，2018年转投雷加利斯，两季後再转投西维尔至今，在西班牙8个球季总计上阵216场入57球，国家队方面，佢为摩洛哥上阵55场攻入17球，今届世盃上阵5场入2球，今场火并法国，佢嘅高空轰炸又可大派用场。
