巴西喺世界盃被克罗地亚淘汰，比赛期间以1亿欧元转会到曼联嘅人气球星安东尼马菲奥斯，呢场无料到之余，仲插水想搏罚球，但被球证识破，无攞牌已经偷笑，赛後球迷对佢呢个行为相当不满。
安东尼下半场换入，虽然表现积极，但效果麻麻，今仗交唔到成绩，比赛期间试下喺左侧突破，去到敌方禁区顶忽然倒地，表情夸张，向裁判示意被侵犯，点知原来主裁奥利华跟得好贴，睇晒成个过程，并示意佢起身，而奥利华真系好仁慈，无畀黄牌又无口头警告。
不过，反而球迷对佢呢个行为就闹爆，「安东尼插水，佢应该攞黄牌啦」、「希望安东尼返到曼联唔好再咁样玩嘢，实在丑怪」，今届世界盃安东尼踢左4场，包括三场分组赛及8强，其中只有一场系正选，0入球0助攻，表现不似预期。
