玩得世盃冠军，梗系玩埋神射手啦！目前神射手形势，基利安麦巴比以5球领先，美斯、加普、拉舒福特、李察利臣、干卡路拉莫斯、安拿华伦西亚及艾华路摩拉达等同为3球，不过安拿华伦西亚及艾华路莫拉达已经出局，基利安麦巴比又冇乜分头，余下数人中，可拣选其中两位作为神射手之选。
拣「其他」撑干卡路拉莫斯
首选方面，可先留意荷兰射手加普。加普身高逾六尺，而且左右脚皆能开弓，今届所入3球，就系头槌、左右脚各1球，射术极为全面。荷兰8强会对阿根廷，由於阿根廷一向主攻，加上防线不济，擅踢反击嘅加普不愁冇入球机会。
另外，加普制空力一流，角球更系佢嘅杀着之一，阿根廷防守球员身材偏矮小，只要加普对阿根廷一战有斩获嘅话，攞神射手嘅机会就大增，24倍值得作为投注首选。
至於另一选择，则可吼葡萄牙新星干卡路拉莫斯，佢不但喺16强对瑞士取代C朗担正，更大演帽子戏法，一鸣惊人，佢今届有3个入波，呢位宾菲加前锋射术不俗之余，走位飘忽令敌军防不胜防。
葡萄牙於8强会对摩洛哥，摩洛哥专摆铁桶阵，而老将C朗状态欠佳兼走动较少，葡军更需要一位擅於喺密集防守中走出空位嘅前锋，干卡路拉莫斯正属此类，既然佢脚风咁顺，有10.5倍（其他）分头，值得一试。
