葡萄牙将於周三(7日)凌晨世界盃16强对瑞士，状态欠佳嘅球星C朗会唔会踢正选，备受关注，葡萄牙领队费兰度山度士似乎亦对呢位37岁前锋失去耐性，表明今仗唔一定会派C朗以正选上阵。
根据英国《每日邮报》报道，费兰度山度士非常不满C朗上仗对南韩一役，被换走时嘅反应，当时C朗怒气冲冲，念念有词，佢自称遭对手赵圭成挑衅，并非不满被换离场。
不过，费兰度山度士唔满意呢个解释，佢话：「无错，我非常唔锺意呢种行为，一切已成过去，要集中精神应付下场比赛，我仲未决定正选阵容，我一向都系到咗球场先至决定上阵球员及队长人选。」言下之意，身为队长嘅C朗未必有得踢。
事实上，根据葡萄牙媒体调查所得，有七成球迷认为葡萄牙16强对瑞士，领队费兰度山度士应该收起C朗，费帅可能想顺应民意。
