两支传统劲旅阿根廷、法国一齐打入世界盃8强，双方射手美斯、基利安麦巴比频频入波，演出非常抢镜。西班牙传媒喺社交网举行投票，想知球迷眼中，边位表现更佳，结果麦巴比以超过6成选票完胜美斯。
3.3万人投票之中，有61.8%人认为麦巴比今届表现好过美斯，仅38.2%人撑美斯。将於12月20日踏入24岁嘅基利安麦巴比今届世界盃已有5球进帐，高居射手榜第1位，至於美斯入咗3球，睇单入球数字，已经有明显分野。
同埋麦巴比场上充满活力，奔跑速度非常高，上仗对波兰，曾经做出时速35.3公里冲刺，拍得住牙买人百米飞人保特。反观35岁美斯年纪已大，冇咗以往个人盘扭突破表演，「欣赏指数」的确唔及麦巴比。
