日本於世盃E组尾轮反胜西班牙出线，日本人喺Twitter疯狂洗版，而最热爆喺对象，竟然系「日向坡46」成员影山优佳，因为佢喺今届两次喺直播节目贴中「蓝武士」赢波，被封为「胜利女神」，更希望佢喺16强对克罗地亚继续做直播主持。
21岁嘅影山优佳系一个不折不扣嘅足球迷，小学时曾经系足球队成员，现时走「足球偶像」路线，不时出任电视足球节目客席主持，更会分析战术，绝对唔系问「乜嘢系越位」嘅花瓶。日本今届首轮反胜德国2比1，影山优佳虽然唔中波胆，但估中日本赢波，之後次轮哥斯达黎加，佢冇参与直播立即输波，去到尾轮对西班牙，佢赛前贴日本赢2比1，仲写明三笘薰系关键人物，结果波胆中到应一应之余，三笘薰更交出致命助攻，「胜利女神」绝非浪得虚名。
影山优佳赛後拎住佢预测波胆嘅分牌时都眼湿湿，并喺Twitter嘅限动帖文「日本赢喇」、「预测2比1」、「只要相信梦想就会实现」等等，难怪被日本人疯狂洗版，由於影山优佳咁旺，好多人认为佢先系日本赢波关键，好多日本粉丝觉得她来就会赢，都希望佢会喺16强日本对克罗地亚之役做客席主持，继续将好运带畀「蓝武士」。
