荷兰於世盃A组首名出线，16强将会面对B组次名美国，中场迪鲁恩赛前记者会上，就透露球队已经加紧练习12码，希望用尽一切方法取胜，目标成为世盃冠军。
众所周知，荷兰主帅云戈尔一向吩咐门将练习扑救12码，而中场迪鲁恩喺赛前记者会上亦透露，自己同一班队友亦正同样苦练射12码：「已经练咗一段时间，几个月前嘅国际赛期，助教已经安排我哋练习，当然永远无办法模拟世盃当刻嘅压力，但起码令我哋制定到射门套路。」
荷兰今届分组赛未尝一败，但进攻表现未算太理想，迪鲁恩指假如最终能够成为世盃冠军，自己并不会介意当中的比赛过程：「我哋都希望场场赢到5比0，不过世盃赛事唔系咁易踢，点样赢波唔重要，包括要射12码，我唔介意喺踢得唔好嘅情况下成为冠军。」
