巴西皇马天才前锋洛迪高高斯上场对瑞士交出靓助攻，协助卡斯米路射个靓波一箭定江山，但原来佢喺今届世盃开赛前情变，恢复单身不但冇受影响，仲帮到国家队赢波，似乎踢得仲好！
报道指，就喺世盃开赛前5日，佢女友洛佩斯喺社交媒体突然宣布双方已分手，彼此恢复单身，不过在此之前其实两人互动已明显减少，外界认为系同洛迪高高斯「偷食」有关；就喺今年2月，一位巴西女化妆师宣布自己为洛迪高高斯诞下双胞胎，洛迪高高斯照例否认，最後由洛迪高高斯父亲配合做咗亲子监定，结果证实系佢亲生嘅！
被飞之後，洛迪高高斯喺世盃首场对塞尔维亚之後确认分手消息，佢话：「感谢女友为我所做嘅一切，不过佢已经系『前度』。」
赢瑞士之後，呢位21岁小将分享自己同「大哨」朗拿度对话片段，当中佢摸摸「大哨」大髀，希望对方畀力量佢，而众所周知「大哨」好波之余亦非常烂玩，似乎洛迪高高斯想学到佢足喎！
