日本球迷喺世盃赛场执垃圾，获得国际社会盛赞，国际足协亦喺官方社交媒体赞扬，不过有日本国内名人反过来闹爆，靠执垃圾获取自豪感，只系一种「奴隶根性」。
有日本「纸业大王」称号嘅富商井川意高表示，日本球迷同国家队帮手打扫看台同更衣室，抢走清洁工人嘅工作，呢种行为只为自我满足，希望佢哋唔好再咁做：「依家能够令日本民众感到自豪嘅，就只系执垃圾，真系好可悲，呢啲只系一种『奴隶根性』。」
对於井川意高嘅讲法，虽然大部分日本民众都唔同意，认为保持洁净系一种美德，但亦有部分人认同，有人指出日本球迷在海外执垃圾，但喺国内赛场就唔会咁做，有「做骚」之嫌，而且靠执垃圾博取赞赏，反映民众对本国文化同历史缺乏自豪感。
