四年前喺俄罗斯世界盃被誉为克罗地亚最靓女球迷Ivana Knoll，今届嚟到卡塔尔都见到佢出现，寻晚格仔兵团首战，佢都为爱队撑场。
Ivana曾被评为最性感嘅啦啦队队长，过往唔同嘅性感装扮都成为摄影师镜头里嘅主角，佢有修长嘅大腿，身材又高，好容易就被人认出，喺克罗地亚对摩洛哥之前，佢就现身喺球场，一身红色格仔裙相当抢眼。
不过，今次Ivana收起暴露，入乡随俗跟当地嘅女士习惯，戴上头巾，用自己嘅长裙完全遮住双腿，虽然着得密实，但有另一种性感美，难怪又唔少克罗地亚球迷同佢打招呼，甚至有年轻人问佢「炒牌」添。
Ivana出生於德国，年幼时随父母搬到萨格勒布，而佢阿爸系一位超级球迷，系萨格勒布迪纳摩同埋克罗地亚嘅死忠粉丝，所以Ivana细细个已跟老窦去睇波。佢依家全球拥有约56万粉丝，而佢有好多靓衫，差唔多全部都系红白格仔，系克罗地亚嘅标志。
