上届亚军克罗地亚於F组首战则斗摩洛哥，作为上届最佳球员兼前金球奖得主莫迪历最後一届世盃，「格仔兵团」实力虽比摩洛哥强，但主力平均年纪较大，将会采取以慢打快，加上佢哋习惯喺分组赛稳中求胜，近8场6次半场同对手半场打和，半场和博得过。（Now 618及616周三晚6时直播）
克罗地亚拥有多名上届亚军成员，除咗「魔笛」之外，仲有比列锡、波索域、卡拉马历、洛夫云、高华锡及杜马高维达等，经验丰富但年事已高，莫迪历已经37岁，不过佢一向踢法聪明，喺皇马可见一斑，凭上乘嘅技术校炮，唔需要太体力化。事实上，「格仔兵团」大赛表现相当稳定，唔会乱咁用力，好似上届决赛周咁，分组赛3战全胜，其中两场半场同对手打和，累积近8场世盃决赛周分组赛，6次开半场和。
摩洛哥双箭打柴攻力弱
摩洛哥喺决赛周前3个月炒咗夏利荷锡，换上列格拉基後，薛耶治等主将重返阵容，而且3场由喺佢麾下嘅赛事保持不败，不过摩洛哥今场两名射手沙比利同艾沙苏利都因伤缺阵，影响攻力。睇番上述3仗，当中两场开出半场和，再加上双方今次系世盃史上第一次交手，相信亦会步步为营，再追半场和。
直播表
周三6:00pm 世界盃 摩洛哥 Vs 克罗地亚
周三9:00pm 世界盃 德国 Vs 日本
周四凌晨零时 世界盃 西班牙 Vs 哥斯达黎加
周四3:00am 世界盃 比利时 Vs 加拿大
