阿根廷意外以1比2不敌沙特阿拉伯，暴露球队老化问题严重，佢哋今仗创出一项纪录，成为世界盃决赛周史上首支有4位34岁或以上球员踢正选嘅球队。
呢4位老将分别系美斯(35岁)、迪马利亚(34岁)、奥达文迪(34岁)、艾真度高美斯(34岁)，结果呢支南美劲旅落後之下谷唔起，加上世界盃赛程频密，如果主帅史卡朗尼继续依靠呢班老将，恐怕世界盃之路行唔远。
其实阿根廷不乏年轻当打猛将，包括曼城前锋祖利安艾华利斯、曼联中坚利辛度马天尼斯，但2人今场都先做後备，特别系防线上，史卡朗尼选择用奥达文迪踢正选，唔用利辛度马天尼斯，就系一大败笔。
结果59分钟，史卡朗尼就要立即换入利辛度马天尼斯，问题系球队已经失2球，希望史卡朗尼吸取教训之後，下场对墨西哥，可以作出人脚改变。
