英格兰今场届世界盃首仗分组赛以6比2大胜伊朗，拉舒福特後备入替49秒就入波，成为世界盃史上後备上阵第3快入波球员，走出上年欧国盃决赛射失12码阴影，终於吐气扬眉。
拉舒福特上季表现欠佳，一度面临被英格兰主帅修夫基弃用，幸好呢位25岁曼联前锋今季状态有明显改善，为红魔鬼各项赛事上阵19场入8球，打动修夫基重召佢踢世界盃。
今场71分钟，「福仔」入替布卡约沙卡之後，第1次触球就入波，当时佢上阵只系49秒，成为世界盃史上第3快後备「快枪手」，亦系佢7次世界盃上阵首次入波。
拉舒福特上年欧国盃决赛加时最後时刻，後备上阵负责主射12码，但宴客成为失冠罪人之一，今仗同样後备披甲，则入波做功臣，可以话系来回地狱又折返人间。
