阿根廷上届世盃16强以3比4不敌法国出局，该国球迷似乎仍然怀恨在心，早前就公开喺电视直播，对住镜头唱出种族歧视歌曲，嘲笑法国接近全队都系非洲人，当中包括对方头号球星基利安麦巴比。
阿根廷体育频道TyC Sports喺世盃举行期间，访问亲身到卡塔尔支持阿根廷嘅球迷，但佢哋突然唱出种族歧视歌曲，嘲笑法国接近全队都系非洲人，最终令直播被逼腰斩，歌词如下：「佢哋喺法国踢波，但都嚟自安哥拉。法国锺意麦巴比依类球员，佢嘅母亲系尼日利亚人，父亲系喀麦隆人，但文件上却拥有法国国籍。」
法国喺上届世界盃成功夺冠，其中16强就以4比3击败阿根廷，当时基利安麦巴比个人贡献2入球、1助攻，难怪阿根廷球迷直到依家都仲咁憎依名法国前锋。
另外法国射手宾施马早前训练期间，因伤退出世盃大军，主帅迪甘斯承认无咗依位主力，对球队攻力有一定影响，不过就霸气表示唔会补选另一名前锋：「原因系因为我决定咗，好简单。」
