今届世界盃边队系大热，个个都有自心水，当然巴西拥趸就想再睇到森巴兵团可以捧盃，巴西超级球星尼马更加为自己「加星」，似乎对球队好有信心。
巴西大军压轴抵达卡塔尔，仲即刻进行首课操练，一直都话题多多嘅尼马当然系主角之一，佢日前喺个人社交平台上载咗自己身穿巴西国家队嘅波裤喺卡塔尔睇电视嘅相片，焦点系佢喺巴西旗徽嘅五星上面，再加多一粒星，寓意攞到世界盃冠军；众所周知，赢得世界盃冠军嘅球队，就系喺佢哋嘅波衫队徽上面有一粒星星，巴西过往五次夺冠，所以就有五粒星。
巴西今届被视夺标大热之一，佢哋同瑞士、喀麦隆同埋塞尔维亚同列G组，而森巴兵将於本周五（25日）於亮相迎战塞尔维亚。
