卡塔尔世盃呢个礼拜开锣，美国队首仗会对住威尔斯，佢哋积极备战之余，周一还高调显示佢哋对LGBTQ群体嘅支持。
美国队喺佢哋嘅训练设施同埋传媒工作室，都放上以彩虹为主题嘅队徽，设计以深蓝色嘅英文字母USA(美国)下面有7条彩虹色嘅直条，系球队2020年采取Be The Change倡议嘅一部份，以激发社会对此问题的行动。
LGBTQ嘅英文缩写是代表女同性恋者、男同性恋者、双性恋者与跨性别者、疑惑者嘅英文首个字母组合，上述社群以彩虹旗为代表，但同性关系卡塔尔是非法的。美国国家队教练Gregg Berhalter表示:「当我哋喺世界舞台上，当我哋嚟到好似卡塔尔嘅地方，重要嘅系让人意识到呢啲问题，这就是Be The Change意义所在。我哋唔单止在美国，到国外都要关注呢个社会问题，卡塔尔已经有进步，但仍有进展空间。」
好多球员对於前往睇世界盃嘅球迷，在权利上表示忧虑，特别系LGBTQ个人及妇女，有关组织认为卡塔尔法律对佢哋有歧视。不过，美国队发言人Neil Buethe就话，世盃期间球队唔会佩戴彩虹臂章，但美国队喺其他场合有机会的话，都会展示呢个精神。
