利物浦喺周六(12日)英超，主场3比1击败修咸顿联赛2连胜，乌拉圭前锋达云纽尼斯梅开二度成为赢波英雄，今季表现备受批评嘅佢近期愈战愈勇，领队高普赛後亦对佢赞不绝口。
利物浦开波6分钟由罗拔图法明奴头槌顶入，但3分钟後即被修咸顿追平，不过「红军」嘅快速进攻相当锐利，达云纽尼斯21分钟禁区内窝利抽入，42分钟再接应安德鲁罗拔臣传中近门射入，协助利物浦赢3比1。
达云纽尼斯经常被批评「败家」，不过佢加盟後数据其实几「靓仔」，英超上阵10场有5入波同2助攻，盃赛7次上阵入4球，高普赛後亦大赞呢位乌拉圭射手：「纽尼斯同沙拿嘅速度系修咸顿最唔想见到，纽尼斯2个入波都系顶级，佢嘅走位真系一流！」
