世界盃就快开波，各队陆续公布球员名单，英超各队都有球员入选所属国家队，到时会去卡塔尔参赛，在已经公布名单中，最多球员入选系曼城，多达16人，曼联排第2，有14人，曼市双雄夹埋去咗30人。
英国传媒统计，英超最多入选球员前7位球会：
1. 曼城 16人
2. 曼联 14人
3. 车路士 12人
4. 热刺 11人
5. 阿仙奴 10人
6. 利物浦及李斯特城 7人
曼城人脚鼎盛，全队都系所属国家队主力，而且都系争标份子，包括德国、巴西、西班牙、葡萄牙、英格兰、阿根廷、荷兰、比利时同瑞士，但缺点系呢班球星喺世盃搏残，返到英超可能受影响。
曼联冇份参加世界盃，但佢哋好多球员有份，今届赛事入选人数多达14人，仅次於曼城，包括流量王C朗拿度同哈利马古尼，依家仲多咗个杂技王安东尼马菲奥斯，曼联拥趸喺世盃不愁寂寞。
较为意外系利物浦，入选球员仅得7人，堤亚高艾简达拿同罗拔图法明奴都落选，迪亚高祖达有伤，穆罕默德沙拿嘅埃及冇份踢世盃，佢哋可以放心休息，对利物浦系好事。
